Крычыць магнат,
Банкір крычыць,
крычыць іх падуладны,
Што ў іх свабодна, вольна жыць,
Што рай у іх сапраўдны.
Крычыць
Падкуплены паэт
у херстаўскай газеце,
Што ў іх ва ўсіх свабодны свет,
Што лепшы ён у свеце.
Я знаю —
крыкунам такім,
Чаго ні хочуць — досыць,
Ім свет свабодны.
А як тым,
Што сеюць, жнуць і косяць?
Я згодзен,
крыкунам такім —
Тут рай, і бездакорны,
Ім свет свабодны,
А як тым,
Што сталь куюць ля горнаў?